பிரபாகரனின் மகன் பாலச்சந்திரனை இலங்கை ராணுவம் சுட்டுக்கொன்றதாக கூறப்படும் புகாரை அதிபர் ராஜபக்ச மறுத்துள்ளார்.

இதுதொடர்பாக ஆங்கில நாளிதழ் ஒன்றுக்கு பேட்டியளித்த ராஜபக்ச, பாலச்சந்திரனை ராணுவத்தினர் கொன்றிருந்தால் தமக்கு தெரிந்திருக்கும் என கூறியுள்ளார்.

ராணுவத்தினர் சுட்டுக்கொன்றதாக கூறப்படும் புகாரை மறுப்பதாக தெரிவித்த ராஜபக்ச, அவ்வாறு நடந்திருக்க வாய்ப்பில்லை என்றார். போர்க்குற்றம் தொடர்பான புதிய காட்சிகள் பற்றி விளக்கமளித்த அவர், ஒருசார்பாக இதனை பார்க்கக்கூடாது என தெரிவித்தார்.

ஐ.நா மனித உரிமை ஆணையத்தில் அமெரிக்கா கொண்டுவரும் தீர்மானம் குறித்து பேசிய ராஜபக்ச, தங்களின் பாவங்களை மறைக்க ஒவ்வொருவரும் இலங்கையை பயன்படுத்திக் கொள்வதாக குற்றம்சாட்டினார்.

மேலும் காஷ்மீர் விவகாரத்தில் இந்தியாவை மனித உரிமை ஆணையம் கண்டித்ததையும் அவர் சுட்டிக்காட்டினார். தீர்மானம் குறித்து இந்தியாவுடன் பேச்சு நடத்தவில்லை என கூறிய ராஜபக்ச, தீர்மானத்துக்கு ஆதரவளிப்பதா, வேண்டாமா என்பது பற்றி நட்பு நாடு என்ற முறையில் இந்தியா முடிவெடுக்கும் என நம்புவதாக தெரிவித்தார்.

இந்தியாவுக்கும் இலங்கைக்கும் இடையே மோதல் போக்கை உருவாக்க சிலர் முயற்சிப்பது, அரசியல் உள்நோக்கம் கொண்டது என்றும் அதிபர் ராஜபக்ச தெரிவித்தார். போர்க்குற்ற புகாரில் நடவடிக்கை எடுத்திருப்பதாக கூறிய ராஜபக்சே தாம் ஒரு புத்தவாதி என்பதால், தனக்கு சகிப்புத்தன்மையும் இரக்க உணர்வும் உள்ளதாக தெரிவித்தார்.

வெளிநாடுகளில் இருந்து ஆண்கள் ரூ. 50,000 மதிப்புள்ள தங்கமும், பெண்கள் ரூ. 1 லட்சம் மதிப்புள்ள தங்கமும் கொண்டு வரலாம் என்று மத்திய நிதி அமைச்சர் ப. சிதம்பரம் தெரிவித்துள்ளார். 2013-2014ம் ஆண்டுக்கான பட்ஜெட்டை மத்திய நிதி அமைச்சர் ப. சிதம்பரம் இன்று தாக்கல் செய்தார். இது ப.சிதம்பரம் தாக்கல் செய்த 8வது பட்ஜெட் ஆகும்.

வருமான வரியில் மாற்றம் இல்லாதது ஆறுதலாக உள்ளது. வீட்டு கடன் பெறுவோருக்கு கூடுதலாக ரூ.1 லட்சம் வரி விலக்கு அளிக்கப்படும் என்று அவர் கூறியது பலருக்கு வீடு வாங்கும் எண்ணத்தை அளித்துள்ளது.

அவரின் குறிப்பிட்ட ஒரு அறிவிப்பு பெண்களுக்கு மகிழ்ச்சி அளித்துள்ளது. வெளிநாடுகளில் இருந்து ஆண்கள் ரூ. 50,000 மதிப்பு வரை தங்கம் கொண்டு வரலாம் என்றும், பெண்கள் ரூ. 1 லட்சம் மதிப்பு வரை தங்கம் கொண்டு வரலாம் என்றும் அவர் அறிவித்தது தான் பெண்கள் மனதை குளிர வைத்துள்ளது.